بقلم / خالد الترامسي
مرتضي منصور إثر مشادة نشبت بينه وبين النائب أحمد الشرقاوى خلال اجتماع اللجنة التشريعية ، حيث قال “الشرقاوى”: “إننا فى اللجنة ليس منوطا بنا تنفيذ الأحكام”.. ورد عليه “مرتضى”: “اسمع واتعلم”، وقال “الشرقاوى”: “متكلمنيش كدا، احفظ كلامك كويس”، ليرد عليه “مرتضى”: “اتعلم من أستاذك”.
وتوقفت أعمال اللجنة دقائق، فيما أعلن المستشار بهاء أبو شقة تنحيه عن مناقشة الموضوع، وانفعل مرتضى منصور على أعضاء اللجنة قائلا: “اللى خد فلوس من الشوبكى يرجعها”.
هذا هو حال برلمان الندامة ، طيب يا عم مرتضي مكفاية من ال”ح”رية قرية ههههههههههههه ، وبعدين إنت معتقد البهوات ماشيين معاهم خِزَن ، وبعدين في هذا الزمن القحط في حد بياخد حاجة بيرجعها ، لا يا عم الحاج الموضوع ميتعالجش بالوضع ده ، وبعدين هو كان هما إللي رجعوا الشوبكي بقرار منهم ، دا حكم محميحو يا مرتضي ، الله يمسيكي بالخير يا اللي في بالي ، والله مينفعش كدة سعادة المستشار ، وكنت هتعلموا إيه يا إستاذ هتعلمو بالمشقلب طيب هو إللي هيتشقلب ولا معاليك .
عموما حصل خير وكفاية علي أد كدة وأهي كلها أدوار يا عم المستشار ، وبعدين هارد لك ، لازم تتحلى بالروح الرياضية أمال رئيس نادى إزاى ،ومش أي نادى ، دا واخد كاس مصر كمان ، يلي بقي فوت يا كبير ولازم تكون كيس فطن ، الحياة سهلة مش بالوضع ده ،
ويتقطع قميصك وتقطع قميص صاحبك يا أخي دا إنتوا بينكوا وبين بعض مصالح مشتركة ، حتي طريقة إتيانكوا المجلس بنفس الطريقة ، في أوجه تشابه كبيرة .
عموما حصل خير ، وروق كدة يا كبير ، مفيش حد واخد منها حاجة .
